Við fræðsludeild Þjóðleikhússins eru tveir starfsmenn í fullri stöðu: Þórhallur Sigurðsson leikari og leikstjóri og Vigdís Jakobsdóttir leikstjóri og leiklistarfræðingur.

Bjargföst trú á uppeldislegt og menningarlegt gildi leiklistar býr að baki starfi fræðsludeildarinnar, sem  stofnuð var með stuðningi frá menningarjóði Íslandsbanka í byrjun mars 2002. Starf deildarinnar miðar að því að víkka út starfsemi leikhússins og opna dyr þess fyrir breiðari áhorfendahóp en en þeim sem fyrir er. Áhersla er lögð á samstarf við kennara og skólastofnanir, móttöku hópa í leikhúsið, útgáfu námsefnis og ítarefnis tengt sýningum, námskeiðahaldi og uppsetningar á leiksýningum sem sérstaklega eru ætlaðar ungu fólki.

Á haustdögum 2005 fékk fræðsludeild Þjóðleikhússins nýtt húsnæði í gamla Hæstaréttarhúsinu að Lindargötu 3. Í húsinu er skrifstofa deildarinnar auk dómsalarins á 2. hæð, sem nýttur er sem æfingasalur fyrir leikhúsið.

Viðtal við Vigdísi Jakobsdóttur, deildarstjóra fræðsludeildar, í Skólavörðunni. Vor 2002

Grein eftir Vigdísi Jakobsdóttur í Skímu, málgagni móðurmálskennara, janúar 2003