"Án Guðjóns Samúelssonar hefði að vísu verið hægt að reisa skýli yfir leikmennt höfuðstaðarins af svipaðri gerð eins og kvikmyndahús þau, sem byggð hafa verið hér á landi. En þá hefði hér ekki verið álfahöll, þar sem steinarnir tala bæði til göngumannsins á götunni og gestsins í Þjóðleikhúsinu." Jónas Jónsson frá Hriflu í formála "Þjóðleikhúsið - þættir úr byggingasögu". (bls. 5-6) Guðjón Samúelsson (1887-1950) Arkítekt að Þjóðleikhúsinu ásamt með mörgum af fegurstu byggingum landsins. Meðal annarra verka hans má nefna Kristskirkju í Landakoti (1925-29), aðalbyggingu Landspítalans (1925-30), aðalbyggingu Háskóla Íslands (1936-1940), Hallgrímskirkju (1945-1986), Akureyrarkirkju ( 1940-1941), Hótel Borg (1928-1930) og hús Eimskipafélags Íslands (1919-1921). Þjóðleikhúsið var síðasta byggingin sem Guðjón fylgdi eftir til enda, en á vígsludegi þess, 23. apríl 1950, lá hann á sjúkrahúsi með lungnabólgu, og lést stuttu síðar. 
Akureyrarkirkja
|
