|
|
|
|
Forsíða > Leiklist í skólum > Fræðslupakkar og kennsluefni > Öxin og jörðin > Viðtal við búningahönnuð
|
| Viðtal við búningahönnuð |
 Þórunn María Jónsdóttir hannaði búningana í sýningunni.
Hvernig undirbjóstu þig fyrir þetta verkefni og hvenær byrjaði þín vinna?
Um leið og ég var beðin um að taka verkefni að mér eða í ágúst. Ég byrjaði á því að lesa bókina – þar sem handritið var ekki tilbúið. Síðan sankaði ég að mér heimildum frá þessum tíma þó ég sé ekki að búa til heimildaverk. Ég reyni frekar að ná utan um e.k. tilfinningu frá tímabilinu sem ég svo vinn áfram með.
Er hægt að lýsa þessari tilfinningu?
Það var mikil áskorun að ná stærðinni á feðgunum í gegnum búningana. Þeir eru auk þess að vera trúmenn bæði stórpólitíkusar og miklir efnamenn. Hafa verður í huga að á þessum tíma voru samskiptin við Evrópu mjög mikil og meiri en á öldunum sem á eftir komu og fötin því ekki bara vaðmálssekkir og lopasokkar.Mig langaði því til að ná fram samblandi af íslenskum og erlendum þáttum í búningunum.
Hvers konar efni og liti leggurðu áherslu á í verkinu og hvers vegna?
Ég nota íslenskt roð í bland við hörefni og silkiefni. Mér fannst mikilvægt að efnin væru náttúrleg. Litirnir eru dálítið dökkir en í bland eru líka tónar sem gætu allt eins verið fengnir með jurtalitum. Persónulega er ég alltaf hrifnari af náttúrulegum efnum þegar um períódubúninga er að ræða – og þó áhorfendur kannski hvorki sjái né finni áferðina í búningunum þá held ég að þeir skynji hana og það er markmiðið.
Hversu náið er samstarfið við leikmyndahöfund og leikstjóra?
Það er náið, svo fer það eftir leikstjórum hversu mikið þeir vilja hafa hönd á bagga með að ákveða búninga. Ég hef unnið mikið með Hilmari og hann treystir mér, ég fæ mjög frjálsar hendur í samstarfi við hann og það er mjög gaman. Það þarf að passa vel að leikmynd og búningar vinni saman – ekki á móti hvort öðru og því er nauðsynlegt að hafa góð og skýr samskipti við leikmyndahöfundinn.
Þetta eru gríðarlega margir og veglegir búningar – þurfti saumastofan auka mannafla?
Já –starfsmenn saumastofunnar eru búnir að vera alveg á haus – þeir verða vel komnai að jólafríinu sínu. Einnig hefur verið mikið annríki í gervadeildinni. En þetta næst í tæka tíð.
Hvað var erfiðast við þetta verkefni?
Sá stutti tími sem því var ætlaður í leikhúsinu.
Hvað var skemmtilegast?
Mér finnst alltaf skemmtilegast þegar hlutirnir fara að skríða saman á sviðinu með leikurum, ljósum og leikmynd.
Hvaða heilræði áttu handa ungu fólki sem vill vinna við búningahönnun í leikhúsi?
Fara að sjá mikið af leikhúsi- gott nám er góður grunnur en áhugi á lifandi list á öllum sviðum er líka nauðsynlegur.
Hvernig undirbjóstu þig fyrir þetta verkefni og hvenær byrjaði þín vinna?
Um leið og ég var beðin um að taka verkefni að mér eða í ágúst. Ég byrjaði á því að lesa bókina – þar sem handritið var ekki tilbúið. Síðan sankaði ég að mér heimildum frá þessum tíma þó ég sé ekki að búa til heimildaverk. Ég reyni frekar að ná utan um e.k. tilfinningu frá tímabilinu sem ég svo vinn áfram með.
Er hægt að lýsa þessari tilfinningu?
Það var mikil áskorun að ná stærðinni á feðgunum í gegnum búningana. Þeir eru auk þess að vera trúmenn bæði stórpólitíkusar og miklir efnamenn. Hafa verður í huga að á þessum tíma voru samskiptin við Evrópu mjög mikil og meiri en á öldunum sem á eftir komu og fötin því ekki bara vaðmálssekkir og lopasokkar.Mig langaði því til að ná fram samblandi af íslenskum og erlendum þáttum í búningunum.
Hvers konar efni og liti leggurðu áherslu á í verkinu og hvers vegna?
Ég nota íslenskt roð í bland við hörefni og silkiefni. Mér fannst mikilvægt að efnin væru náttúrleg. Litirnir eru dálítið dökkir en í bland eru líka tónar sem gætu allt eins verið fengnir með jurtalitum. Persónulega er ég alltaf hrifnari af náttúrulegum efnum þegar um períódubúninga er að ræða – og þó áhorfendur kannski hvorki sjái né finni áferðina í búningunum þá held ég að þeir skynji hana og það er markmiðið.
Hversu náið er samstarfið við leikmyndahöfund og leikstjóra?
Það er náið, svo fer það eftir leikstjórum hversu mikið þeir vilja hafa hönd á bagga með að ákveða búninga. Ég hef unnið mikið með Hilmari og hann treystir mér, ég fæ mjög frjálsar hendur í samstarfi við hann og það er mjög gaman. Það þarf að passa vel að leikmynd og búningar vinni saman – ekki á móti hvort öðru og því er nauðsynlegt að hafa góð og skýr samskipti við leikmyndahöfundinn.
Þetta eru gríðarlega margir og veglegir búningar – þurfti saumastofan auka mannafla?
Já –starfsmenn saumastofunnar eru búnir að vera alveg á haus – þeir verða vel komnai að jólafríinu sínu. Einnig hefur verið mikið annríki í gervadeildinni. En þetta næst í tæka tíð.
Hvað var erfiðast við þetta verkefni?
Sá stutti tími sem því var ætlaður í leikhúsinu.
Hvað var skemmtilegast?
Mér finnst alltaf skemmtilegast þegar hlutirnir fara að skríða saman á sviðinu með leikurum, ljósum og leikmynd.
Hvaða heilræði áttu handa ungu fólki sem vill vinna við búningahönnun í leikhúsi?
Fara að sjá mikið af leikhúsi- gott nám er góður grunnur en áhugi á lifandi list á öllum sviðum er líka nauðsynlegur.
|
|
|
|
