|
|
|
|
Forsíða > Leiklist í skólum > Fræðslupakkar og kennsluefni > Fagnaður > Örstutt um Pinter
|
| Örstutt um Pinter |
| Harold Pinter er af mörgum talinn eitt frumlegasta og merkasta leikskáld Breta á síðari hluta tuttugustu aldar. Pinter hefur skrifað um þrjá tugi leikrita, en hann hefur jafnframt haft mikil áhrif á leiklist í Bretlandi sem leikstjóri og höfundur fjölda útvarps- og sjónvarpsleikrita. hann hefur einnig skrifað nokkur kvikmyndahandrit. Á síðari árum hefur Pinter látið mikið til síns taka á opinberum vettvangi í mannréttindabaráttu. Hörð gagnrýni hans á ríkisstjórnir Bretlands og Bandaríkjanna vegna stefnu þeirra í alþjóðastjórnmálum hefur meðal annars vakið mikla athygli. Mörg leikrita Pinters hafa verið sett upp á Íslandi, meðal annars Húsvörðurinn, Liðin tíð, Einskonar Alaska, Kveðjuskál, Heimkomum, Elskhuginn, Vörulyftan og Svik. Harold Pinter voru nýlega veitt evrópsku leiklistarverðlaunin, virtustu leiklistarverðlaun álfunnar. Pinter hlaut Nóbelsverðlaun fyrir bókmenntir árið 2005.
|
|
|
|
