Þjóðleikhúsið á sennilega stærsta búningasafn landsins. Safnið er af þeirri stærðargráðu að það rúmast alls ekki í sjálfri leikhúsbyggingunni, og því er það varðveitt í stóru geymsluhúsnæði í Sundagörðum. Þrátt fyrir þetta, eru búningar oftar en ekki saumaðir sérstaklega fyrir sýningar. Kröfur hönnuða eru oft þannig að ákveðinn heildarsvipur og stíll á búningunum er skilyrði, og þá er oftast einfaldast að sauma búningana frá grunni. Jafnvel þegar búningar eru notaðir úr geymslunni er oft mikil vinna hjá saumastofunni við að lagfæra og breyta gömlu búningunum eftir fyrirmælum búningahönnuðar.

 Hluti safnsins er aflokaður og gengur hjá starfsfólki saumastofunnar undir nafninu Gersemasafnið. Það eru geymir búningar sem hafa sögulegt gildi fyrir leikhúsið.

Búningar Þjóðleikhússins eru ekki til útleigu né láns.